Odd Einar ny troppsleiar

Odd Einar Lundervold overtar som troppsleiar for dei store speidarane i haust. Etter å ha dratt lasset i 18 år skal Atle Aas ha ein litt meir tilbaketrukke posisjon på møta. Fleire foreldre blir med på møta.

Odd Einar bur i Vats, og er gift med Bodil Udstuen undervold som er frå Sørstranda. Han har vore med i speidaren i Etne siste året og har tidlegare vore ungdomsarbeidar i Etne KFUK-KFUM.

- Det har blitt tyngre å dra i gang igjen etterkvart, seier Atle, og no låg det til rette for at Odd Einar får ei meir sentral rolle. Det erflott når nye krefter er klare til å ta tak. Med foreldra som har sagt ja til å vere med, har vi ei god leiargruppe.

Ingunn Frette og Kari Aas Onstein skal framleis vere med som leiarar, og fleire foreldre har sagt ja til å vere med på møter. Kabalen blei lagt på foreldremøte 10. september. Berre skuffande tre foreldre møtte der, men nokon hadde tatt kontakt på førehand, og sagt seg villig til å vere med.

I haust skifter speidaren også dag til måndag. Nokon vil starte opp i speidaren etter haustferien, når fotballen slutter.

På foreldremøte vart det også orientert om at det ikkje blir organisert tur til europeisk YMCA sin leir i Praha, slik vi har snakka litt om. I stadet samlar vi oss om kretsleiren på Fitjar. Leiren er saman med Rogalnd krets, og sidan dette er dei to største Kretsane i KFUK-KFUM-speidarane, vil det bli ein stor leir.

Leiren er tidleg i august.

Atle Aas skal framleis vere gruppeleiar i Etne KFUK-KFUM-speidarar.